မောင်လှမျိုး(ချင်းချောင်းခြံ)ရေးတဲ့ ကျွန်တော့်အကြိုက်ကဗျာများ

 -------------------------------------------------------------------
အချစ်မရှိတဲ့ ... ဒေသ

ရေစီးကမ်းပြိုဖြစ်နေတဲ့
ဘ၀ ... အကြောင်း ...
စာလုံးပေါင်း မနေချင်တော့ဘူး ။

တော်ရာမှာ
နေနေရတာ
ကြာလှပြီ ။
ပျော်စရာ ..
ဘယ်မှာလဲကွယ် ။

ခေါ်သံကြားတိုင်း
လှည့်ကြည့်မိခဲ့တဲ့
အသိမဲ့ နှလုံးသားလည်း
ရုံးသွားရုံးပြန် ဖိနပ်တစ်ရန်လို၊
သည်းကြိုးပြတ်
စုတ်ဖွာ
ဟာတာတာ ကြီးပါပဲ ။

နွေဆိုတာ ရှိနေသမျှ
ပုရစ်ဖူးလေးတွေ နုမြဖို့
မျှော်လင့်မိပြန်သေးတယ် ။

မယုံရင်
ဒီမှာ ကြည့် ၊
သက်သေပြစရာ ဆိုလို့
မျက်ရည်စတွေပဲ
ရှိတော့တယ် ..... ။ ။
-----------------------------------------------------------

သောကသောင်ကမ်း

မခြွေရက်ဘူး
ခြွေလက်တုန်ယင် ၊
ခုန်မင်မဲ့ကင်း ၊ ချစ်ခြင်း သစ္စာ
မေတ္တာဖြူဖွေး ၊ မြတ်နိုးတေးသီ
ယုံကြည်ပါ ... မေ။

မမုန်းရက်ဘူး
ရှုံးသတ်ဒဏ်ရာ
ကြမ္မာနှိပ်စက် ၊ အိပ်မက်မဲ့ ဆိုး
အလွမ်းမိုးမိ ၊ ဆိုးမည့် .. ဘ၀
လှပ..ပါစေ ။

မပြောရက်ဘူး
ကျော်သက်ခြေရာ၊
ဝေဒနာပြင်း ၊ ခွဲခွာခြင်းများ
ထို .. တရားတွေ ..
ခြွေလာပင့်သက် ၊ ရင်နင့်လျက် .. နွေ။
အေးမြပါစေ ။

မနှင်ရက်ဘူး
ရှင်လျက်သေဆုံး ၊
နှလုံးကွဲအက် ၊ နှင်းဆက်မေတ္တာ
သစ္စာနွေတေး ၊ ရင်ခွင်ဆွေးမှာ ..
တစ်ရေးလောက်သာ ၊ မှေးစက်ပါကွယ် ။

ဝေးသည်ထက်ဝေး
ဤ၀ဋ်ကြွေး .. သက် ၊
လက်ကျန်ဆက်ရန် ၊ ကျန်နေမှာစိုး
အဖြစ်မျိုးတွေ ..
( ဖြေပြေမရ
ကြေကြေမွလို့ )
ချစ်မိုးရွာမှ ငြိမ်းရစေ .. ။ ။
-----------------------------------------------
ရုပ်သေး

နွေမဟုတ်ဘဲ
ခြေရှုပ်တဲ့ သစ်ရွက်ကြွေလို
နှစ် .. ရက်ရှည် ၊ လေလွင့်ခဲ့ရ
ဘ၀အနာ ၊ မသာယာလို့ ၊
သူ .. ညှာတာနိုး
မြတ်နိုးတွယ်ယှက် ၊ အသက်အပ်နှင်း
ငါ.... ၀ပ်စင်းသည်။

ဝပ်စင်းသမျှ ၊ ချွတ်နင်းဝင်ရောက်
အညှောင်ပေါက်လာ ၊ ထို .. မာယာဆိုး
မမြတ်နိုးချင် ။

မြတ်နိုးမိမှ
မာယာစတွေ့ ၊ မေ့မေ့မူးမူး
ချစ်ခဲ့ဖူးပြီ ......
အချစ်ဘူးလို့ ၊ ရူးတော့သည် ........ ။ ။
------------------------------------------------------
ရွက်ခြောက်တော

အထိုင်.. မူး
အထ... မူးနဲ့ ၊
ဘ၀ရဲ့ ဦးခေါင်းထဲ
စူးစိုက်ခဲ့တဲ့ .. ဒဏ်ရာတွေ ...
မရေတွက် နိုင်တော့ဘူး
အချစ်ရေ .... ။

နှင်းရည် ဖျန်းဖျန်း
မိုးရည် ဖျန်းဖျန်း
မလန်းဆန်း နိုင်တော့မယ့် အတူတူ ၊
အပူကို အပူနဲ့ ငြိမ်းဖို့
သူစိမ်းတစ်ယောက်ကိုသာ
ချစ်လိုက်ပါရစေတော့ကွယ် ။ ။
---------------------------------------------------------
အနီးကပ်နွေ

နာမှာစိုးလို့
အငြှိုးမထား
ရိုးသားစွာ ရိုက်
အသည်းခိုက်စေ ..။

မုန်းမှာစိုးလို့
အရှူံးမမြင်
ပြုံးရွှင် ..ရင်ပျိုး
မျှော်ကိုးထိုက်စေ ..။

ဝေးမှာစိုးလို့
အတွေးမရဲ
ရင်ထဲစိုးထိတ်
အအိပ်ခက်နေ။

လွမ်းမှာစိုးလို့
စက္ကန့်မလပ်
ထပ်ချပ်မခွာ
သူ့ခြေရာ .. နင်း၊ မြတ်နိုးခြင်းအား
သူ ..စိတ်မနာ၊ သူ..မြင်သာဖို့
အကြင်နာ..နွေ၊ ခင်တွယ်စေချင်
သည်ဖြစ်အင်တွေ ..
သခင့်ရင် ထဲမြဲပါစေ .. ။ ။
---------------------------------------------------------
လွမ်းတဲ့လမ်း

လွမ်းတဲ့လမ်းမှာ
ပန်းလည်း မပွင့်
ရင်နင့်စရာ..။

လွမ်းတဲ့လမ်းမှာ
ရွက်သစ်မဝေ
ရွက်ခြောက်တွေဝဲ
ကြေကွဲစရာ ..။

လွမ်းတဲ့လမ်းမှာ
စမ်းလည်းမစီး
ဝမ်းနည်းကြီးမား
သီးခြားကမ္ဘာ..။

လွမ်းတဲ့လမ်းမှာ
ချစ်သူမတွေ့
မပျော်မွေ့ဘူး.. ။
ရင်မှာစူးလျက် ရူးချင်စရာ .. ။

လွမ်းတဲ့
လမ်းမှာ ........
................. ။ ။
---------------------------------------------------------
လွမ်းသူ့ကိုယ်စား

တစ်နှစ်ကူးပေမယ့်
မချစ်ဖူးသေးတာ ယုံပါ ... ခင်။
မယုံလျှင်
ပိတောက်ပင်ကို ခင်မေးကြည့်။
ပွင့်ခက်ညှာရွှေရည် အပြည့် နဲ့
လွင့်တက်ကာ လေမှာ မြူးချင်သော်လည်း
( ပိတောက်ခမျာ )
အထီးကျန်သူ မောင့်ကို မြင်လို့
မဖူးချင် မပွင့်ချင် ( သူ့ ) အမူအရာနဲ့
လူတကာကို
မူဆာတာ ဝေမျှပေးနေတဲ့
ရွှေဝါရောင် ပွင့်ဖတ်တွေကြားမှာ
လွမ်းဓာတ်တွေဖြည့် ။ ။
-----------------------------------------------------------------

''မျက်ရည်မြစ်ကျဉ်း''

စိတ်ကိုရွေ့ လျား

မေ့ထားရုံနဲ့ ၊

မေ့သွားရင်လဲ

အကောင်းသား။

မမေ့မမုန်း

တနေ့ လုံး....သူ၊

စိတ်ကိုယူငင်

ရင်တွင်ရစ်ဖွဲ့ ၊ နှောင်တွယ်နွဲ့ ပြုံး

လှော်ရင်းနှစ်ပြီ။

မပျော်နေ့ ည

မေ့ မရလို့ ၊

တွေ့ ကြတဲ့အခါ၊ သူမြင်သာအောင်

ကြင်နာအရိပ် ၊ အလွမ်းစိတ်ကို

နှလုံးသားမှ ၊ ပါးစပ်ပိတ်ထား

မျက်ရည်များဖြင့် ပြချင်တယ်....။ ။

-----------------------------------------------------------------

ဆရာမောင်လှမျိုး(ချင်းချောင်းခြံ) ရဲ့ကဗျာလေးတွေပါ--------ကြိုက်လွန်းလို့တင်ထားပေးပါတယ်xxx